Ֆարմսինթեզը դարձել է էստոնական Kevelt-ի սեփականատերը

Ռուսական «Ֆարմսինթեզ» ընկերությունն ավարտին է հասցրել էստոնական դեղարտադրող  «Kevelt AS»-ի (Տալլին (այսուհետ՝ Կեվելտ ԱՍ)) ձեռքբերումը: Այս գործարքը ռուսական դեղա­գործական ընկերությանն անմիջականորեն եվրոպական շուկա  դուրս գալու, ինչպես նաև սեփական  ֆինանսական ցուցանիշները բարելավելու հնարավորություն է տալիս:

Գործարքի ընդհանուր արժեքը չի հրապարակվում, սակայն վերլուծաբանների գնահատմամբ՝ այն  չի գերազանցում 15 մլն ԱՄՆ դոլարը.: 

Ըստ ռուսական ընկերության պաշտոնական փաստաթղթի՝ ս.թ· մարտի 30-ին «Կեվելտ ԱՍ»-ի 100% բաժնետոմսերը փոխանցվել են «Ֆարմսինթեզ»ի հաշվեհամարին:

Գործարքի գումարի չափը չի հրատարակվում, սակայն Cegedim Strategic Data վերլուծական ընկերության տնօրեն Դավիթ Մելիք-Հուսեինովն այն գնահատել է 10-15 մլն ԱՄՆ դոլար: «Էստոնական ընկերության բիզնեսն այնքան էլ մեծ չէ, սակայն լավ մշակված ծրագրեր ունի», - ասել է փորձագետը:

«Ֆարմսինթեզը» «Կեվելտ ԱՍ» ձեռքբերման համաձայնագիրը ստորագրել է 2011 թ. հունվարին: Ռուսական ընկերության տնօրենների խորհրդի նախագահ Դմիտրի Գենկինն ավելի վաղ հայտարարել էր, որ էստոնական ընկերության ձեռքբերումը  «Ֆարմսինթեզի» առջև բացում է Եվրոպայի դեղագործական շուկաների դռները, ինչպես նաև հնարավորություն տալիս կոնսոլիդացնել, համախմբել «Կեվելտ ԱՍ»-ի ֆինանսական արդյունքները: Օրինակ, 2009 թ. «Կեվելտ ԱՍ»-ը 13 մլն ռուբլի հասույթից  ստացել է 2,5 մլն շահույթ, համեմատության համար նշենք, որ նույն թ. «Ֆարմսինթեզ»-ը 228 մլն հասույթից ստացել է 14 մլն շահույթ:

«Կեվելտ ԱՍ»-ի արտադրամասերը տեղակայված են Տալլինի տեխնոպարկի տարածքում, սերտիֆիկացված են GMP պահանջներին համապատասխան:

1996 թ. հիմնված «Ֆարմսինթեզը»  2010 թ. նոյեմբերին IPO արդյունքում 528 մլն ռուբլիով վաճառել է 30%-ը: Ընկերությունը զբաղվում է նոր դեղամիջոցների ստեղծմամբ և նրանց՝ օրգանիզմ ներարկելու մեթոդներով, ինչպես նաև դեղամիջոցների նոր բաղադրամասեր ստանալու նորարարական տեխնոլոգիաներով:

Հարցեր, պատասխաններ, մեկնաբանություններ